「橋唔怕舊，最緊要受！」近日一名街坊打扮的中年「呃錢男」，懷疑專攻看舖的小店女店員，向她們訛稱外出倒垃圾時大門被吹至關上，急需現金乘的士到親友家取鎖匙，借錢500至1000港元。有女店員兩度遇上「呃錢男」，雖然「避過一劫」，卻意外發現「呃錢男」原來多年來以同一身份，同一手法在香港多區「搵油水」，而受害人清一色是女店員。
「我唔想因為我�H疑慮而唔幫人，所以我上次選擇幫佢，結果咁就畀佢呃咗。」在大埔運頭街一間凍肉舖任店員的郭小姐，兩度遇上「呃錢男」。本月21日中午時分，只有郭獨自在店內看舖，一個中年男人走進說：「我係你熟客」，似曾相識的對白，令郭認出這就是去年用同一個方法向她騙財的人。
「事發就喺上年一個夜晚，我當時喺荃灣分店看舖，舖內只有我同另一個女店員。」一個中年、身形肥胖，一身街坊打扮的男子走進店內，先指自己是該店的熟客。「佢話自己住喺附近，倒垃圾時大門被吹至關上，入唔到屋，冇財物冇手機喺身。」
解釋一番後他又指，弟弟在懲教署工作，要到赤柱懲教所找他拿鎖匙 。郭續指：「佢一開始都唔係問我借錢，係問我有冇相熟�H司機介紹，咁我哋都放低咗戒心，到最後先話要借500蚊，佢話兩個鐘頭後會返嚟還錢。」最後對方留下自己中文全名「梁X光」、聯絡電話等。記者嘗試致電，發現號碼未有登記。
「佢講得咁詳細，真係冇諗過係呃人。」郭指，最後對方去如黃鶴，留下的資料，亦相信全屬虛構。重遇騙徒，她斷然拒絕借錢，對方立即離去。她其後在社交平台分享事件，結果有6人留言稱曾受騙，涉及地區包括觀塘、葵芳、深水埗。「有幾個女仔聯絡我，佢哋都係喺看舖期間畀呢個男人呃錢，而且都係留低一模一樣�H個人資料，包括姓名、電話，損失最多嗰個有成千蚊。」
一年前沒有報警，郭小姐希望今次重遇這個騙徒，可以出一分力舉報他，以及在網上提醒他人。警方發言人就呼籲，切勿輕信街上藉詞接近並要求借錢的人，除非你已確定對方的真正身份及聯絡方法，否則切勿借錢予陌生人。
