bobbychan

網上傳出一張銅鑼灣富臨飯店的大年初一收據，金額高達6.2萬元，其中的「加二服務費」就佔1萬元，8隻16頭「阿一吉品鮑魚」則價值3.7萬元。有網民對此價錢譁然，甚至批評收兩成服務費太過份，但有網民則認為富臨作為高級餐廳收費自然昂貴，還取笑大家只是大驚小怪。

富臨飯店創辦人楊貫一接受《蘋果》查詢時霸氣地說：「6萬幾蚊好平常啫，隨時都有，10幾萬銀一餐都有。」他解釋，富臨出品的鮑魚質素高，來貨價錢本身也高，貨源又少，所以自然要賣得貴，「買返嚟都要咁貴，啲12頭（鮑魚）要5萬幾蚊一斤，咁你賣幾錢一隻呀？啱唔啱呀？有時（我哋）唔係賺好多錢㗎咋……你話貴？貴都有人食呀……食鮑魚要講價值觀㗎！」

對於收取加二服務費，楊稱每年農曆新年都會這樣做，並不稀奇，「有啲大客嚟到都唔會計呢啲問題，佢都知道㗎啦」。他又補充說：「富臨係鮑魚貴啫，其他嘢都唔係好貴」。