旦治

咩都要第一的杜拜，又有驚人搞作，如果有去過杜拜的朋友都知，國際機場其實是在鄰近的阿布扎比，再前往杜拜要另外坐兩小時車。對於秒秒鐘幾百萬上落的杜拜人，時間就是金錢，所以最近杜拜就公佈將引入全球最快的公共巴士（其實係房車！），時速達250公里，而且將設專門道路貫通兩地，令車程減至30分鐘！呢架長條形的巴士名為SuperBus，每輛要1,100萬美金，由荷蘭公司製造，設計者分別為前太空人和F1車人！全車長15米、寬2.5米、高1.65米，兩旁共有16道門，外表全黑，以太陽能驅動，採用的物料如鋁、碳纖維、玻璃纖維等，非常輕身。座位當然極盡豪華，為全真皮白色跑車位。暫時還未公佈確實行駛日期和票價，不過隨時可能貴過你飛去杜拜程機呢！

車內設有通信系統、安全系統、障礙物預測系等高科技設備


似轎車多過似公車嘅SuperBus，等閒之輩都應該坐唔起