大保

台灣手機界驕傲嘅HTC，業績唔掂，眾所周知；今年第二季營收只得去年嘅一半，高中低手機市場均同時挨打，虧損額超過了兩億美元。
逆市之下，要翻身有點難度，而通常比較容易嘅，一定係瘦身減省成本…
近日HTC除咗宣佈裁員15%後，其位於上海、月產能大約為二百萬部手機嘅工廠，市傳將會沽售。該廠房係二零零九年，HTC投資三千二百二十萬美元興建嘅，前一兩年，其實組裝生產線大多數進入停產狀態，可謂見證HTC嘅興衰。
如果屬實，即係話又一間外資工廠，因為成本問題，而有意撤出中國。
據了解，消息傳出後，現時小米、樂視同阿里巴巴，都盛傳會洽購，若然此消彼長，日後工廠唔改變用途，「國產機」陣營將會再添數。內地有報導則擔心，HTC賣廠房只係開始，「如果情況繼續惡化，HTC手機品牌或面臨被收購的命運。」

佛地魔

htc等死