論諸葛亮既內政
最近有人同我討論歷史, 令我諗起諸葛亮既內政.
歷史要經過沉澱之後先會清, 我見到現代好多學者批評諸葛亮既內政係幾個失敗既措施, 我們不妨睇下呢d內政係點?
1. 蜀國人口中為三國最少, 但係差唔多1/4個人係官.
呢個政策被批評浪費人力, 削弱農業生產. 好多人諗一個人口咁少既國家, 官竟然比其他國家多, 4個人仲要養得起一個官, 國家邊有前途? 不過出奇地, 蜀國直到亡國國庫都係好充足, 而且蜀國糧食生產唔單止無問題, 而且連工業生產都無問題, 蜀帛依然係天下聞名.
諸葛亮多設官位, 一來可以增加就業; 二來可以增加國家向心力; 三來可以令人民活得更有尊嚴, 甚至可以係從事一d沒有明顯生產既行業有尊嚴.
現代社會, 好多市民同政府經常對著幹. 政府官員減薪, 人民會拍掌. 原因好簡單: 因為大部分人不是政府官員.
如果1/4人口係官, 政府就有至少1/4支持.
而且, 蜀國好多官位, 可以兼顧埋耕田等事務. 諸葛亮係上奏時講明自己屋企都有d農作物, 好多蜀國官員唔會擺個官款唔做野, 反而會耕下田做下d世藝.
而且官位可以增加藝術文學等發展, 令從事研究既人可以有尊嚴同有生活保障咁工作. 例如易學家焦周, 佢既官職係從事研究易經, 就係咁簡單. 如果佢同人地講: 我係研究易經既, 好多人會懷疑佢有無前途, 三餐可能不繼; 不過佢係蜀國, 佢可以同人講: 我係做官既. d人至多會問官至幾品, 覺得佢鐵飯碗, 咁佢就唔使解釋咁多而其他人會睇得起佢.
2.蜀國沿用察孝廉等德才並舉既選人制度.
有人批評諸葛亮用人只係用一d好似佢自己咁樣既人. 例如有人唔明忠誠有咩用? 以前我打機都唔明, 三國志最初想挖人d將, 越勁就越忠誠根本挖唔到覺得設計好戇車. 不過人大左你可以觀察到忠誠同能力其實成正比, 一個人忠誠就會專心咁研究一樣事物, 可以負起既責任就越黎越大, 面對過更多既困難, 於是能力亦都隨之而磨練左出黎. 老子講過一個心散既人可能琴棋書畫都識少少, 不過無樣精. 通常一個棋藝高手, 淨係日日捉棋.
點解以德揀人好? 因為人既能力始終有得培訓, 唔會差好多, 至多要用多少少時間, 但係本性好難改. 我地可以睇下, 例如揀警察入行, 你揀個睇落去個樣夠惡, 講野好似好勁, 其實係面試能力同其他人差唔多. 你唔睇佢有無德行, 佢入左行, 咪係果d會呃女仔番黎報案跟住攪人地果d.
唔重視德行, 就會有一班變態係上面. 再加上呢班人有小聰明, 你比機會佢上位, 佢做到好似好做得野無左佢唔得. 到時就會肉隨砧板上, 黑暗既時代由此降臨.
以德行先, 上位既人每一日以大家既利益為依歸; 唯 "才" 是舉, 好快一堆自私既人攪亂個局仲同你講世界應該係咁.
3.人民一係揀金錢, 一係揀名譽.
諸葛亮以清廉見稱, 係佢樓下既人, 有d係富有過佢; 有d係物以類聚, 唔單止家無餘財, 女人都唔要多, 一個老婆就夠(例如姜維同鄧芝). 呢d係古代真係聞所未聞. 一個人做官揀左名譽, 就唔使咁多錢; 一個人揀左錢, 例如從商, 其實做隱形富豪好過.
有名譽自然有利益方便, 生活自然有保障; 有財既, 鍾意咪去正途地財色兼收.
於是乎各有所得, 大家都唔妒忌大家.
