現在 USB 拖板已經有好多 2.4A 輸出，但反而愈來愈多人要爭拖板插 USB 火牛，點解咁奇怪？因為今年多款手機都有「快速充電」，而大部分都要專用火牛先用到。不過，ProMini 推出一款「PS-S4」USB 拖板，特色係支援 Qualcomm Quick Charge 2.0 快速充電！
甚麼是「快速充電」？ USB 充電好多人都認為 5V / 2.4A 就叫快充，雖然說法冇錯 (一般手機充電實際只有 5V / 1A-1.5A) ，但近年多款手機都開始引入更快嘅「快速充電」，透過更高電壓（例如 9V）或輸出來縮短充電時間，平均 1 小時都可充滿 3,000mAh 約 60-70% 電量，效率比標準 USB 充電比快 50% 或以上。
「快速充電」非統一標準 市場支持「快速充電」手機為數不少，當中比較普遍係 Quick Charge 2.0 技術，因為大部分使用 Qualcomm 處理器的裝置都支援，當中包括 Galaxy Note 4、LG G4、Nexus 6、Sony Xperia Z3 及 HTC One M9 等等，對應 List 可到 Qualcomm 網頁找到。
▲ 可 【按下】 連結到 Qualcomm 網頁
取代快充火牛！附 2 個 Quick Charge 2.0 接口 一般「快速充電」手機只跟一個專用火牛，屋企用得 Office 就無得用，而 ProMini PS-S4 作為一個 4 頭 USB 拖板，除了 2 個 5V / 2.4A 接口，佢最特別係有 2 個 Qualcomm Quick Charge 2.0 接口，輸出分為 3 段包括 5V / 2.4A、9V / 1.67A 及 12V / 1.2A，而一般「快速充電」手機都會升壓至 9V，因此充電同專用火牛冇大差別，況且佢仲有 2 個接口，唔洗爭拖板之餘仲可以帶埋個專用火牛返 Office 用！
▲ 2 組藍色充電支持 Quick Charge 2.0 快速充電技術。
▲ 同其他 USB 拖板最唔同，PS-S4 附車用插頭可在汽車上使用「快速充電」。
▲ 隨盒附送 1 條純銅數據充電線。
實測 Note 5、G4、Z3+ 都用到! 齋睇 Qualcomm 個 List 都係唔放心？咁小編就幫你試下現時熱賣手機有邊部用得，首先使用 Qualcomm 熱門機種包括 LG G4、Sony Xperia Z3 / Z3+ 及 HTC One M9 都錄得電壓升至 9V / 1A，但其次連使用 Exynos 處理器的 Galaxy S6 及 Note 5 都同樣支援到。
▲ Sony Xperia Z3+ 順利升級至 9V 充電。
▲ LG G4 證實都用到「快充」。
▲ Note 5 雖然用 Exynos 處理器，但在 PS-S4 仍用到「快充」。
▲ 即使 2 部旗艦手機同時充電，兩者都可升壓至 9V，而平均輸出約 1A-1.2A 左右。
售價：$498
