警察搜身
我覺得o係而家講求人權，私隱既年代，警察可以#o係有合理懷疑底下#o係街上要求任何市民出示身份證，搜身，甚至搜車係一件好唔合乎常理，而且係一件好唔尊重人權既事情﹖而檢查既范圍係可以細至銀包每一個角落，身體上每一個角落(鞋底，下陰...)，車上既每一個角落，賦予警察有咁大既權力，仲有咩人權可言﹖我相信以前既極權社會都仲可能有反駁既餘地，反而而家係冇，有時夜晚經過旺角見倒有年青人企係路口比差人查，兩個褲袋都要反埋出黎，我覺得即使o個個係咩人都好，我都覺得佢受左好大侮辱。講句老實，o係呢類截查裏面，又有幾多次係會搜倒有野﹖如果係o係罪案現場(例如打鬥，吸毒埸所....)出現既人會被搜身我覺得都合理，又或者係經過佈署調查，追蹤既疑人都合理，但一般o係街上可以點合理懷疑﹖#難聽去講咪即係見您樣衰衰咪查您囉#，態度唔好串xx仲可以玩o下您搜埋您身，o岩唔o岩先﹖三唔識七您可以有幾合理懷疑﹖如果我車上，身上有銀行既私人信件呢﹖銀包有女朋友既裸照呢﹖您會覺得我身上有幾多錢都要因行經街上被懷疑而毫無保留咁被人知道，身上冇錢呢﹖呢個本應係冇人知既秘密.......
女人被搜到女性用品的時候(在華人社會裏無疑地有不少保守女性還是很忌諱的)﹖一對男女在其一搜到避孕套/事後避孕丸﹖豈不是連他們的房事方式也表露無遺﹖o係當時大家四口六面對住既時候，會令女方很難堪嗎﹖人見倒呢樣野自然會不經意咁聯想(甚至某個情景)這個不能否認，作為男人您會覺得自己女人被侵犯嗎﹖
我本身唔係受害者，只係以事論事，我只係十零歲試過一次夜晚出街比警察搜身姐，而o個次亦對我無特別傷害，只係早排行車經過見倒有個年青人企係大街大巷比人搜令我有感而發......大家點睇﹖
