內地夜場全面收斂(轉帖)
轉帖
在報紙發現以下報導，有無ching收到KO雷霆掃穴行動？
北行秘策：內地夜場全面收斂
每年六、七月都係內地夜遊界「敏感」季節，今年亦唔例外，細至髮廊大至桑拿或夜總會，宣傳活動都要收斂，無謂成為有關部門打擊目標，以後冇運行。
先執再開先講髮廊，聽朋友報告，深圳幾條村嘅髮廊一早已收到風會有大型掃蕩，所以不少早已關門大吉，等之後風聲冇咁緊先會重開。期間偶爾都會有唔識死嘅雞頭公然拉客，不過博唔博得過就自己決定嘞。經驗所得，除非本身喺深圳有住所，又有雞頭嘅電話可以直接叫外賣，否則喺街上搵小姐，中招機會極大。
另外做K場嘅媽咪亦話，今次掃黃，好多K場都要收斂吓，尤其囡囡嘅制服都要將性感收起，變得密實過OL，有部分囡囡就要暫時休息，或者等媽咪叫到先返場開工，免得被查牌。而且所有三級玩意如剝光豬、就地正法一律暫停，總之大家乖乖唱歌，做個好市民，媽咪仲吩咐啲囡囡，陪人客返酒店，去到大堂最好前後腳，免得斷正咁話。
過區避難至於另一焦點所在桑拿場，情況都唔係太樂觀，大多數桑拿已同技師講明，呢段時間嚴禁同人客喺按摩房提供「特別服務」，但據講有部分場因為有技師唔聽話，偷偷同人客曳曳，結果斷到正，客人同技師衰咗，連間場都一身蟻。
有經理表示，早已為技師更換制服，先前嘅水手裝、泳裝全部收起，依家仲「乾淨」過體育館，想搵隻手仔睇吓都冇。但經理話為安全起見，有啲場甚至只做熟客生意，情願賺少啲都唔想惹麻煩。
但部分二線地區因為冇受風勢影響，所以娛樂場仲勉強可以營業，不少玩家早已訂定酒店房，打算喺「打風」日子避難，不得不佩服玩家嘅適應能力！
