AM

我呢Ｄ典型香港人，平時返工做生做死做奴隸，又樣衰又溝唔到女，放工返屋企例牌上下夜遊版搵人寸下，舉報下，出下氣，對住個電腦唔駛見到面唔驚比人打，就梗係威係勢啦！

咁難得又捱到周未，就梗係北上做大爺啦！雖然廿幾歲既我已經冇咩頭髮，不過我都係要ＳＥＴ番個靚頭先，然後再著件”飲衫”（９９蚊特價時買），再加對陳年ＡＤＩＤＡＳ鞋玩復古ＦＥＥＬ，咁先夠威架嘛！

上到去搵個場搥骨，先洗腳啦，個洗腳妹真係靚女，猛咁聊我傾計，可能係見我係香港人掛，我每次返到上去都會好自豪同好自信，一改常態，廷直條腰，舉高個頭，行步路都八字腳大大步！因為我係香港人，所以梗係巴幣Ｄ啦！洗腳妹話我好靚仔，然後佢仲話第一次咁樣讚人，我聽到梗係好開心啦！係香港從來都無女人會話我靚仔，所以話香港Ｄ女人幾冇眼光！

我估呢個洗腳妹肯定係對我一見鐘情，短短幾分鐘就話我靚仔！後來佢又問我做咩工，有冇車，有冇樓，睇來佢真係好關心我！我感到愛情既火花就係短短既一個小時裡面產生左！後來傾下傾下，佢話叫我等佢放工，想約我出街！睇來佢真係好鐘意我！

香港女人個個都係盲，唔識欣賞我！我咁型仔，有羅家英既髮型，鄭則士既身材，所以証明好野自然會有人欣賞！後來係外面等個洗腳妹放工，同佢去食野，食左１００蚊，之後同佢去行街買衫，仲叫我買隻金戒指比佢，睇來佢真係愛上左我！如果唔係唔會咁做！

雖然同佢短短既一日相處，但係佢既說話，令我覺得佢真係好鐘意我，佢不斷咁話我靚仔，話我有型，話我高大威猛，証明佢愛上左我啦！所以我覺得好感動，豪宅３０００蚊買左二隻情侶金戒指，本來打算一人一隻，不過佢話果二隻戒指係一對既，唔可以分開，所以佢二隻要晒！一隻幫我保管！我知道佢咁做係出於愛我既表現，佢唔捨得同我分開，但我又一定要走，所以先要留住我既戒指，令到佢可以係我走左之後好好咁想念我，睹物思人！

佢成２５歲啦，佢話佢都仲未拍過拖，估唔到我即將可以得到佢既初戀，我真係感動得唔知講咩好！

同佢道別後，返到香港返到公司老細又將我省獲甘，不過唔緊要，我知道大陸有一個暗戀我既女人在背後支持我，咁就夠了



[ 本帖最後由 AM 於 2008-9-3 11:17 編輯 ]

ngnike

引用:

原帖由 AM 於 2008-9-2 12:57 發表
我呢Ｄ典型香港人，平時返工做生做死做奴隸，又樣衰又溝唔到女，放工返屋企例牌上下夜遊版搵人寸下，舉報下，出下氣，對住個電腦唔駛見到面唔驚比人打，就梗係威係勢啦！

咁難得又捱到周未，就梗係北上做大爺啦！ ...
不過唔緊要，我知道大陸有一個暗戀我既女人在背後支持我，咁就夠了

:biggrin:

AM

hello大家好！話說上回PART 1 ,我陳廣燦北上夜遊洗腳時遇上了真愛，就
係果個對我一見鐘情既洗腳妹，話說洗腳妹第一次同我洗腳既時候，佢就已經讚我話我好靚仔，而且佢話佢係第一次咁樣讚人，就係果短短一小時既洗腳過程，我同
洗腳妹之間就擦出了愛情的火花．後來同佢買金戒指既時候，係我臨比錢前既果一剎那，我有點猶豫，我問洗腳妹呢ｄ會唔會係大家之間既錯覺，洗腳妹毫不猶
豫咁答我：”我們的是緣份！”　然後渣實隻戒指話:” 我地永遠不會分開的!” 嘩！我當時真係覺得好感動, 從佢誠懇既眼神我感覺到真正緣份的來臨！係香港，雖然從來都冇女仔識得欣賞我，但我唔介意，因為我知道好
野總會有人識得欣賞！雖然我身邊既朋友知道左呢件事之後，紛紛都上前欣賞
七我，話條大陸妹扼鳩我，但我知道其實佢地係妒忌我遇上左呢個咁好既女仔！我陳廣燦咁醒，邊會咁易比大陸妹扼！!更何況我有羅家英既髮型，鄭則士既身形,許冠英既外貌, 配搭起來,我就係一個劉華!! 係女都比我lum死啦!

上個星期,我又約洗腳妹出街, 係過緊海關既時候, 排係我隔離隊 ,有個同我年紀差唔多大既四眼港男係度不斷啤鳩住我, 佢個頭成個羅家英咁,冇晒頭髮,個肚攬好似鄭則士咁大,隻眼又好似許冠英咁淫, 仲著住件T-shirt上面印住 ANDY LAU, 佢呢D人真係唔知自已樣衰,仲以為自已係劉華! 好啦,唔講呢D人,後來見到洗腳妹, 佢同我講佢早幾日比人偷左部手機，唉！依家大陸既冶安真係差，佢講講下就攬住我係度喊，話生活艱難，冇錢買手機，我都比佢感動左！就係咁樣我又豪宅二千蚊買左個新既手機比佢．之後講下講下，原來當日係佢鄉下個表舅母個八姨婆個七
叔公生日，所以叫我比錢買份禮物比佢!睇來係佢心目中我同佢已經成為左一家人!!果晚同佢行街行到半夜三更，囉個銀包出黎，發現已經冇晒錢，不過唔緊要！
為愛係要犧牲既，咁我就叫洗腳妹今晚一齊訓啦，點知佢就鬧我，佢話我地之間係既愛情係建築係精神既境界，果刻聽到我真係覺得感動，因為佢唔係一個咁隨便既
女仔！後來同佢告別後，臨過關前我打電話比佢，點知聽到佢電話後面有把男人聲，我問佢係邊個，原來係佢同房姊妹感冒，所以把聲變左，唔怪之得頭先佢唔肯同
我一齊訓，原來係要照顧同房姊妹，又一次証明呢個女仔心地真係好好!

後來，我陳廣燦返左香港，繼續又做生做死做奴隸，雖然比公司老細省到一面口水，比公司既港女一巴又一巴咁摑埋黎我塊面，比公司既拖地阿姐大大聲喝我” 縮腳！”雖然今個月唔知點解未到月尾已經係度捱麵包，受盡壓力，但我唔介意，因為我知道係大陸有一個背後默默支持我既女人，咁就夠了

AM

第3回

早幾日係一年一度既中秋佳節，我陳廣燦咩住個大大個既背囊，係堔水步黃金高登一帶睇下呢樣睇下果樣呀，最後只係買左幾隻ＤＶＤ番去打算將電腦Ｄ咸片燒落隻碟度．後來有人係街派卡片話對面有好多新電腦ＧＡＭＥ新戲新歌新SOFTWARE賣，咁當我伸隻手想囉張卡片時，佢就主動同我講有四仔賣，中美日韓人獸咩都齊．我真係唔係好明,點解佢對住我淨係講話有四仔賣


好啦，入正題啦，本來想一個人靜靜咁過中秋，但我作為洗腳妹既初戀男朋友，我冇理由比佢中秋一個人過既，佢一定會掛住我掛住到喊，說時遲那時快, 果然洗腳妹冇幾耐就打電話比我, 佢話我好掛住我, 好想念我, 好想我中秋去陪佢,  同埋最後千叮萬囑叫我記得帶多個錢過去,  我問佢點解, 佢話多個錢旁身嘛~  我當時覺得好開心好感動, 中秋節都有女掛住我, 咁我就放棄左返屋企將Ｄ四仔燒落去ＤＶＤ既念頭，直接衝關北上，好啦，講左咁耐都唔記得介紹一下洗腳妹個名，佢叫李友蘭（如果大家識佢記住唔好叫我長腳呀！），今次同洗腳妹又係一如以往，到處咁樣行下街食下野，入到去堔圳既一間港式茶餐廳，見到入面坐住既多數都係香港人，我當然特別自豪咁樣拖住洗腳妹，抬高個頭大大步咁行，盡顯男人味，係香港根本從來無呢Ｄ比我表演自信既機會，可能係因為洗腳妹有幾分姿色，佢地經過都望左幾眼, 然後就交頭接耳咁品評，我心諗你地唔恨得咁多架啦，我同洗腳妹呢Ｄ之間既係真愛，洗腳妹成日都同我講佢唔係一個貪錢既人同埋佢唔會騙人，其實我對佢呢番說話一直都深信不疑，因為第一日佢幫我按腳果時，佢話我又靚仔又可愛，個樣又似劉華，單憑呢一點都足以証明佢唔會扼人啦！所以我陳廣燦係會用我香港人天賦既聰明腦袋去思考大陸妹講既每句說話，絕對唔會咁易輕信架！等我Ｄ朋友仲成日話我蠢,叫我醒下！其實我就話眾人皆醉我獨醒！我同洗腳妹之間既係真愛！真愛我找到了!

我同洗腳妹坐低左之後，係隔離張台聽到二個港男係度吹水，其中一個話佢個香港朋友係大陸度識左個洗腳妹，比條女扼盡身家，初初識佢果時要佢買金戒指，後來又叫佢租樓買樓，又買呢樣又買果樣比佢屋企人，份糧得果萬幾蚊，每個月就洗幾萬蚊，搞到爭人周身債，月頭出糧要捱麵包，朋友勸佢又唔聽，搞到泥足深陷．．．．我聽完之後，心裡面暗笑點解會有Ｄ咁蠢既港人，同一時間我覺得自已好幸福，有個咁好既女朋友係我身邊，我發現佢戴住左我當日買比佢果隻金戒指！洗腳妹話係時候為未來準備，要有個家庭，咁我同佢講不如結婚啦，但佢話結婚係唔夠架，最緊要買層樓比佢，咁樣生活先有保障，嘩，估唔到咁快為我地既未來著想，而且又想得咁周到，又咁想同我有個安樂窩！我真係覺得好開心好感動，好啦，雖然我暫時自已未有能力，但係我都會諗盡辦法去實現！！Ｘ眾銀行香港成日都賣廣告話大Ｘ銀行香港全力服務大眾，又可以為你實理夢想，再唔得就問老豆鹵水鵝囉晒佢地多年積蓄上去買樓，我諗佢地見到我成家立室，都會好高興！

AM

引用:

原帖由 fivesixnine 於 2008-9-21 09:46 AM 發表
AM兄早晨
你唔係去廣西果幾日就係寫厘個報告系馬
唔怪之得冇時間去骨場啦


初初睇落, 都會笑厘條柚仔


諗深一層 ...
曾幾何時 ...
自已都做過一D傻事


識笑人, 唔識笑自 ...

569兄,我糸轉貼過來的,我覺得講得几咁到肉.

我地5个人去廣西,有D女起度,去偷跳無計,夜晚要交功課呀.

我地D男人慾念大多,見到一个都想深交.

中出完,又想深交另一个.男人真辛苦

paul013579

真亦假時假亦真~

stone3333

師兄故事有趣生鬼,多謝多謝