跆拳道世錦賽驚現爭議賽果，16年里約奧運金牌得主、中國跆拳好手鄭姝音，縱然決賽中於分數上大幅領先對手，但於比賽即將結束時，東道主英國選手禾頓多次出術用手推鄭姝音出界，裁判反判鄭姝音10次犯規、即時判佢落敗，禾頓戲劇性贏得金牌。鄭姝音之後失聲痛哭，上頒獎檯時更失望到跪咗喺度。現時觀眾都不值禾頓所為，勁噓呢名主場選手，並大叫「China、China」支持鄭姝音。而現場�H其他參賽團隊都不斷安慰鄭姝音，認為佢呢個世界冠軍，係被禾頓同裁判偷走了。
16年鄭姝音爆冷贏得奧運73公斤級或以上級別金牌，4強時就係擊敗禾頓。禾頓之前曾2次奪得世錦賽金牌，今次戰勝鄭姝音，令佢第3次成為世界冠軍。鄭姝音於決賽中面對禾頓，明顯取得優勢，於比賽最後階段大幅度領先20:10，呢塊金牌基本上已袋落袋。技術上無法贏到鄭姝音，禾頓最終選擇另類方式奪金，佢不斷用手狂推對手，令鄭姝音跌出界，裁判對佢犯規動作視若無睹，到比賽結束前，判夠鄭姝音10次犯規，直接判呢名中國好手落敗。
鄭姝音知道自己咁樣輸後，於賽場上跌坐在地，擰晒頭表示不敢相信。到企起頒獎檯時，鄭姝音開始支持唔住，再次跪倒地下。現場觀眾雖然多數係英國人，但都睇唔過眼禾頓咁樣贏，開始狂噓呢名主場選手。
賽後鄭姝音表示：「領獎時候我感覺暈眩，有點站不住。他們的國歌響起來，我突然覺得對不住中國。從練體育的第一天起，就知道競技體育沒有絕對公平，但我練了16年跆拳道，今天才知道比賽有這樣的，我拜託他們能不能公平些？今天的結果對我傷害太大了，剛才就哭得有些缺氧。現場觀眾雖然大部份來自英國，但所有人都安慰我，我覺得每個人內心都是公平的。」而中國團隊賽後表示，今次發生�H事令人難以置信，認為係一大醜聞，必定向有關方面投訴。
至於禾頓就表示，自己係以另類方法爭勝，對手被取消資格而落敗，並唔係自己�H錯：「所有人都可以有自己意見，但贏咗就係贏咗，我係3次世錦賽冠軍，所有人都唔可以改變呢個事實。未來我一樣會用相同方式爭勝。」利用條例灰色地帶攞分無可厚非，不過肉酸到玩相撲咁10次推人出界，禾頓似乎轉往日本參加女子相撲更易成名。
https://hk.on.cc/hk/bkn/cnt/sport/20190518/bkn-20190518145053112-0518_00882_001.html
