【on.cc東網專訊】夏日炎炎，戶外工作苦不堪言，為搵食身水身汗仍要「頂硬上」。今日（3日）有人在網上公審一名疑正在休息的清潔工人，直斥「這個清潔工已經偷懶好久！怪不得香港街道咁多垃圾，原來班人唔係做嘢。」惟其言論被大批網民斥責欠同情心，有區議員更反轟發帖網民：「點解要針對佢哋？」
今日中午市區氣溫達攝氏33度。網民Cheung Cheung在Facebook群組「巴打絲打『01自由搏擊』Facebook Club」上載該名清潔工人在路邊歇息的相片，當時工人身穿長袖衫褲，面向着其手推車，車上載有疑在公廁收集的廁紙筒。
該網民無視清潔工大熱天時在戶外工作之苦，斥責工人偷賴，並將街道愈來愈多垃圾的責任諉過工人。其言論激怒一眾網民，有網民懷疑發文者使用假帳號，藉公審他人「刷存在感」，亦有人籲他正視香港垃圾問題乃源於部分港人公德心欠奉，與清潔工休息無關。
葵青區議員林紹輝亦看不過眼，回覆帖文直斥其非：「咁熱，咩人都要休息吓！垃圾是市民整出嚟！點解要針對佢哋？」
