【on.cc東網專訊】坐巴士時難敵睡魔「瞓過龍」的經驗相信大家都有，但睡醒一覺，竟發現巴士又回到原點，你又會點做？一名男子坐巴士時在上層座位熟睡，到終點後車長未有發現他，遂將巴士駛回總站，男子醒來竟指摘車長疏忽，要求車長賠償的士費遭拒後，更一度「佔領」巴士抗議。
目擊者分享昨日(12日)上午約11時在天水圍巴士總站發生的糾紛，「車長巡查車廂時見唔到佢，返回總站時，男子瞓醒責怪司機冇叫佢落車，要求車長畀錢佢搭的士返上水...」，當時男子乘搭276A路線從天水圍前往上水，期間男子在上層座位熟睡，到達上水後，車長巡查車廂時「走漏眼」沒發現男子，於是以不載客形式將巴士駛回天水圍總站。
此時，男子醒來發現自己回到天水圍，於是與車長理論，雙方爭持期間，男子一度拍攝車廂內車長的資料，又在車門邊席地而坐，以示抗議。該目擊者指，事件擾攘一段時間，直至車站職員示意報警，男子才離去。
不少網民指車長雖有失職，但看不過男子無理取鬧的行為，「可以投訴車長，但唔可以叫人畀錢你搭的士囉！」，不過亦有網民力撐男子，指司機嚴重失職，「咁司機唔啱啦，到咗終站應該要叫佢落車，巡邏竟然見唔到有人？咁即係失職！」。
