佐敦道福樂大廈發生持刀劫案，事主受刀傷幸未有財物損失。事主姓陳(55歲)懷疑在案發時醉酒，凌晨近1時抵達佐敦道21號鳳樓林立的福樂大廈，擬上樓「搵朋友」，疑因「搵唔到朋友」醉倒在走廊。姓鄭(64歲)女保安發現將其叫醒後，男子醉步至2樓電梯大堂，一名男賊掏出一把約8寸長生果刀指嚇事主交出財物，陳拒絕就範，用左手擋格被剌傷，匪徒隨即跑落樓往白加士街方向空手逃去。警方到場調查，救護員將左手被刀傷的陳送院治理。警員於附近兜截，惜無發現，正追緝年約40-50歲、身穿短袖上衣、身高約1.75米、中等身材、操普通話的匪徒歸案，案件轉交油尖警區刑事調查隊調查。
事主送抵醫院後一度拒絕出示身份證登記，並向警員抱怨：「快啲啦，我犯法咩而家，我犯法就拉我，無犯法就走，你做嘢，得！幾廿歲人俾人斬幾刀，濕濕碎啦！唔好阻住其他人睇醫生！」，警員指案件為刑事案，要經醫生驗傷，事主經勸告後才肯登記候診。
