購物後若不想後悔，最好先格價再找心目中認為最便宜的店舖光顧，近日有學生到葵涌商場一間手機配件店購買手機殼後，發現該店的售價較商場內其他店舖貴，於是返回店舖大興問罪之師，
直指該店標價昂貴，且不以成本價發售，是間黑店。網友則指香港是自由市場貨物可自由定價，建議涉事的中學生下次先格價再購買，而非唱衰該店。
短片相信是由涉事學生拍攝，片中她拿着手機，與另一名同學向一間手機配件店查詢，指為何剛剛購買的手機殼要268港元，再加玻璃貼，合共360港元，「你確定呢個殼值$268？你呢間唔係咩大舖，你咁樣呃我哋啲學生錢？」女學生要求店員解答手機殼的入貨成本，又質疑玻璃貼售價離譜，「我求其搵間20蚊攪掂啦。」職員解釋售貨前已講清楚價格，並指不會透露入貨成本。中學生最後退錢不成，於是將片段放上網公審。
網友睇片後，均指涉事學生無理，「標明價錢買貴都可以嘈�H咩？咁計來貨價賣咪好多舖頭要執笠？」、「如果有人開價$100賣張紙巾你都去買，唔通之後又去嘈人話鬼咩？」有網友則指購物前最好四出格價，「阿妹下次學精啲啦！四周圍格價先買！」亦有網友指若然中學生認為是詐騙，應該報警或向消委會舉報，而非放上網公審及指商舖是黑店，「自由市場係自由定價，最後買唔買消費者決定，無人買係佢抵死，但都唔能夠話人黑店。」
來源連結:
http://hk.on.cc/hk/bkn/cnt/news/20170319/bkn-20170319161740776-0319_00822_001.html
