皇崗口岸險被打劫~轉貼
小弟於年廿九回深圳,在皇崗口岸過關,出關之後見的士站好多人排隊,又見好多白牌車拉客,
又想早d返屋企,就求其坐左間白牌車(之前坐過幾次未出過事)點知上左車個司機話順路車埋佢
表弟去水庫(小弟住大望)眼見的士站好多人,白牌車又等左好耐,就叫佢拿拿聲,點知去到水庫又
唔停車,間車又冇行沙灣路走到去布吉關口又話接多個人上車,我心諗大獲,出事啦!好!等果個人一
上車我即刻落車,點知果條友上車好快,個司機又即刻開車,我又開唔切門(度門好難開)心諗呢舖仆
街啦,好在布吉關口塞車,佢即刻掉頭冇出布吉關口,前面又有間警車閃哂藍燈,佢地用佢地既鄉下
話講左d野(小弟聽唔明,應該係湖南話)間車停左可能前面有差佬,於是我即刻落車跑去警車果度,
(度門好難開終於開到)錢都唔很7俾,佢地冇落車又冇追來我即刻上左間的士走人,平安回家
現在希望各位師兄唔好坐白牌車,寧願同的士佬講價或者打錶
另一則轉貼
大年初一回鄉,年初五回到深圳後,於羅湖火車站收到相熟朋友電話拜年,當時已正值晚間,個人已經好累,不過
深圳朋友叫到一定有好野玩,咁就辛苦都去玩啦.平時小弟極少於羅湖過關,經驗不足,當晚見到的士站勁多人排隊,之後有條操廣東口音既人向我兜搭話有的士可以即走,當時真係精神唔夠神志未清,真係信以為真,以為"的士"安全,兼且條友操好純熟既廣東口音,應該廣東人都冇咁大機會係賊掛.之後跟佢行上巴士站,佢當時話做埋我呢個客今晚收工啦,原來又係9UP,之後佢一直講好多廢話,問我去邊玩,又話邊度好玩點樣點樣,一直係度減低我既危機感,然後係馬路等左一陣有架黑色私家車前來,我其實都預左唔係的士,但係之前在皇崗口岸搭過N次藍牌車都冇出過事,所以都照上,點知第一次係羅湖搭就奶晒野,當時帶我上去果條友,都上埋車,話搭順風車,前面會落,點知上車冇耐,就即刻問我囉車錢,我比左2張10元佢,佢就話果二張錢"太花","太殘",要我換第2張,當時我真係好ON9完全意識唔到出事,之後又比過2張10元佢,佢又話大花,換左幾次之後,我摸過佢給回我的錢,都是真的,所以以為真的有問題,然後佢話叫我比港幣都得,我當時真係精神唔夠,完全冇左平時既危機意識,我當時心諗,我比張港幣500蚊佢,佢都唔會身上有張假既500蚊比我掛,點知佢收左我張港幣500蚊,就比番4張100元加一張50元人民幣比我,再同我講一陣落車比埋D尾數散錢你.點知果幾張100元我一摸上手就知道已經奶晒野,完全假到出汁.當時我才驚覺已經中伏.然而,我一而再,再而三的做出一些ON9行為. 當時我心諗, 果500蚊就肯定冇左架啦, 佢都再屈我唔到架啦, 比佢車到我去朋友度就算啦, 睇下可唔可以有機會記到佢車牌同個樣然後 去報KO. 其實我應該當時已經要即刻落車, 我依家回想番, 都唔明點解自已仲咁ON9係架車度, 因為後來佢地將我車埋去一條好黑好唔熟悉既街度, 然後將我洗劫一空, 手機, 所有錢同信用卡全部拿走 (好彩冇大陸銀行卡,唔係綁架都有份), 之後淨係肯比我囉番張身份証同回鄉卡. 最後落車一個仙都冇, 行左2個鐘頭番去朋友度. 欲哭無淚. 各位, 在深圳千祈一定只可以乖乖咁搭的士.
[ 本帖最後由 龍仔 於 2011-2-14 06:23 編輯 ]
