打印

cap水傻仔大法...香港人最有錢！唔呃你呃邊個？？

antony

超級大骨精

Rank: 13

帖子: 1878
精華: 13
積分: 3651
閱讀權限: 110
性別: 男
來自: HONGKONG
註冊時間: 2007-10-25
最後登錄: 2026-10-7

發短消息
加為好友
當前離線

1^# 大中小發表於 2021-2-1 10:41 只看該作者

cap水傻仔大法...香港人最有錢！唔呃你呃邊個？？

助養兒童3年前後嘅照片一樣，助養者問「本書睇咗3年都未睇完？」

唔少貧窮地區嘅兒童得唔到溫飽，亦缺乏返學學習嘅機會，有熱心市民會透過機構助養兒童，希望幫佢哋改善生活，而助養機構都會定期寄兒童嘅相片畀助養者，匯報兒童嘅情況。不過日前就有捐助非洲埃塞俄比亞兒童嘅助養人發現，香港宣明會每年寄出嘅助養兒童照片多次重複，甚至出現「逆生長」情況，助養兒童由前一年嘅青少年變成小朋友，事主質疑被騙，而香港世界宣明會就表示，已經向埃塞俄比亞辦事處跟進助養兒童嘅近照同情況。

網民劉小姐周六（30日）喺社交平台貼文，稱每年都會睇一次助養兒童嘅相，但望一眼就唔會拎返出嚟睇。點知日前佢一拎出嚟睇嘅時候，竟然發現助養兒童16同17歲嘅照片係一樣嘅，去到2018年該名兒童望落去好似大個咗好多，但到2019年又突然由一個青少年變返做一個小朋友，完全唔係同一個人嚟。最誇張嘅係，該兒童2021年同2018年嘅照片係一樣，連兒童着緊嘅衫、背景嘅樹木，以及連睇緊嘅書都係同一頁，反問「本書睇咗3年都未睇完？」劉小姐形容宣明會係本世紀最大詐騙集團，又質疑「我係咪比人呃咗好耐？」

貼文隨即引起網民熱議，唔少助養人留言話即刻翻查過往幾年嘅助養兒童照片，果然發現之前有兩年都係用同一張相，有網民笑指「其實你真正助養緊嘅係NGO員工嘅仔女」、「一直助養緊CEO」。有人甚至爆料指，「小朋友用鉛筆寫佢全家咁多年完全無受惠過再擦咗佢寫返聖誕快樂，見到啲鉛筆㾗，真係好心酸」。

香港世界宣明會回應傳媒，話已經知悉助養者嘅投訴，捐助服務部現正聯絡助養者跟進。香港辦事處於2018及2019年發出嘅電郵，邀請助養者填寫生日祝福畀助養兒童，當時未有附上助養兒童嘅最新照片，可能令助養者疑惑。至於2019年嘅兒童進度報告，就係由宣明會埃塞俄比亞辦事處直接寄出嘅。香港辦事處已就以上兩點，向埃塞俄比亞辦事處跟進助養兒童嘅近照同情況，有消息嘅話會盡快通知助養者。宣明會對今次有關助養兒童嘅相片處理，對助養者造成混淆，衷心向助養者致歉，稱會作出檢討。

TOP

小小摩西

初級骨精皇

Rank: 14

帖子: 4034
精華: 7
積分: 6866
閱讀權限: 120
註冊時間: 2005-3-26
最後登錄: 2026-7-15

忠實會員勳章動力會員勳章迎新勳章熱心擧報勳章

發短消息
加為好友
當前離線

2^# 大中小發表於 2021-2-1 13:56 只看該作者

你做好心原意係好
可惜呢個會除咗最基層有傻仔肯做義工之外
其餘職位個個高薪厚祿
免費機票免費醫療
福利數之不盡
其實你係養緊呢班人.................知嗎傻仔？
另外你真正供養嘅NGO係乜水知唔知？
其實係美國政府轄下用民間機構名義
背後實在係美國政府操控
目的只有3個
自肥、間諜、民間運動吹哨指揮（符合美國利益）