10月份樓市可謂一片慘況，就連過去數年一直有價有量的新盤市場，都陷入低潮，數個大型新盤推售連環「撻Q」，豪宅招標售價再搶新低，令部份新盤未開賣就先加佣救亡。
其實過去數年，雖然樓價好像不停上升一樣，但都有輕微上落，一手市場亦都不時有個別新盤出現銷情緩慢的情況，但多數都是較為個別事件，轉眼間有焦點樓盤推出，又再激活整個樓市。
而在10月份，雖然月初萬科推售的掃管笏上源，以部份單位折實呎價不用1萬為招徠，首輪370幾伙即日賣清，但到次輪銷售已經力有不逮，累積還有超過10宗撻訂，整個樓盤銷售就好似已停頓一樣，但不要忘記，整個樓盤近1200伙，發展商絕對不會是有心收走不賣，只是賣不出又不敢劈價樓忍手不推。
你以為內房首次來港賣樓，摸不清方向才失手？緊隨上源推出的幾個盤，包括油塘海傲灣、屯門弦海及元朗朗城匯，首輪銷售都只係賣出兩成幾到四成左右單位，令10月新盤罕有地出現連環「撻Q」的情況。
而上述3個樓盤，除了莊家大少爺推售、最細只有162呎的弦海，海傲灣揸盤人有多年龍頭發展商賣樓經驗，出名計仔多多，而後者更有「樓仙」坐陣，近年銷售幾個大型樓盤都幾威水，不過今次都齊齊甩碌，無他，市好時誰賣樓、賣甚麼價都賣得好，現在市況不佳，但這三個盤都繼續以貴絕同區新盤，大幅高於區內二手呎價的姿態推出，莫講是樓仙，真是神仙都難救。
可能因為幾個細價盤銷情都未如理想，又或者已經聞到燶味，向來都賺到盡的四叔，旗下元朗尚悅．嶺雖然開價同樣冠絕元朗，但就少有地未開盤就已行高佣策略，佣金高達4%，在首輪推售的細價盤而言已經算很高，但同樣反應一般，一日收幾十飛，相信到開賣時銷情都不會太好，都真係要睇睇四叔今次還有咩法寶。
