晚上7時許，將軍澳PopCorn商場發生懷疑偷竊案，一名大媽疑於UNIQLO偷衫斷正，一度與職員拉扯。目擊者阿King指，當時途經PopCorn，突然聽到有人大叫「救命呀，強姦呀」，遂上前了解，並以手機拍下片段。
片中所見，一名大媽與兩名UNIQLO男女職員拉扯，男職員高呼「有人偷嘢呀，有冇人幫手」，女職員則向大媽指「你冇偷嘢唔需要走」，惟大媽不斷掙扎，其間更咬傷男職員手臂。有途人不值所為協助制服大媽，但她多次想趁機逃走，其後更情緒激動，扯爛自己上衣脫剩胸圍，將上衣掉在地上，繼續高叫被強姦，並大罵途人無動於衷。
拍片人阿King指，大媽全程擾攘約30分鐘，懷疑她偷衫被斷正，卻脫剩胸圍並將上衣掉在地上，「整到件衫污糟晒，扮畀人強姦」，認為她「發晒癲，好可恥」。他笑稱，當時街上橫風橫雨，大媽可能感到寒意，自行穿回上衣。20分鐘後，警員到場調查，大媽卻突然痛哭稱被強姦。阿King指出過程峰迴路轉，認為大媽「表演精彩」，極為搞笑，猶如睇戲。
警方發言人指，警員到場後以涉嫌盜竊將該名女子拘捕，其後一名女子報稱頭暈，與兩名男女同被送往將軍澳醫院治理。
