不少人會依Foodie（美食博主）推介尋找美食。有美食博主在社交平台上發文及影片，推介一款朱古力零食，她指這款「松露朱古力」口感軟滑，上面沾滿松露味可可粉，但松露味不濃，不會太甜，而朱古力入面有大量爆炸糖，「又新奇又有趣」。可是，帖文引來不少網民熱議，有人指「松露朱古力」並非味道，而是朱古力的種類，因此不會有松露味，笑言：「無落都俾你食到松露味」。
有美食博主在Threads上出帖推介無印良品出產的「爆炸糖軟心朱古力」，樓主詳細形容食後感「每粒上面都沾滿咗松露味可可粉，松露味唔濃，但朱古力唔會太甜，食落軟滑」。由於朱古力內有爆炸糖，「食落渣渣聲，真喺又新奇又有趣」。
帖文引來網民在留言區指這款「松露朱古力」並非有松露味，「truffle chocolate（松露朱古力）係指裏面有ganache（即係溶溶地咁的柔滑奶油），唔係有松露味」、「菠蘿包食到輕微菠蘿味」。
網民批不專業：無落都俾你食到
有人質疑樓主的專業性，「其實你有無放過入口食下先寫post？」、「咩係松露味可可粉，我睇咗乜」、「無落都俾你食到松露味」、「松露味唔知有冇，但呢個po，X味就好濃」。
https://www.hk01.com/article/60299975?utm_source=01articlecopy&utm_medium=referral
