網上瘋傳1條巴漢爆粗辱罵警員的片段。據報事發在昨日(27日)下午，現場在葵涌廣場2樓一間二手書店，1名銷售員疑因爭客問題，與鄰舖職員起爭執。期間有人報案求助。
警員接報到場調停時，1名操純正廣東話的巴基斯坦裔男銷售員情緒激動，與警員大聲對答，其中1名警員用手指向巴漢，並稱「唔好郁」，巴漢大聲說「郁乜X嘢手呀依家？」，警員稱「你冷靜少少」，巴漢繼而大罵「你同我講啲廢話？法例你識唔X識呀？你老X，傻仔！毅進仔你收皮，讀多啲書啦！」警員稱「點會唔識呀？行開少少呀同你講？」。
事發時引來大批市民圍觀，警員啟動隨身攝錄機拍下事發過程，其中1名警員向巴漢稱「依家警告你？」，巴漢怒斥「警告你老X呀！唔好以為着制服就大X晒呀你」，警員回應「我唔係大晒！」，巴漢再爆粗繼續指罵。另1名警員則稱「先生冷靜啲呀」，並啟動隨身攝錄機，巴漢指「影咪影囉，九唔搭八」。
警員再向巴漢稱「𠵱家無人話你」，巴漢回應「你話我『你大聲嗌』做乜X嘢呀？」，警員稱「你搞到人地圍觀」，巴漢則指「圍觀咪圍觀囉，你識唔識法例呀，我香港市民嚟㗎！香港出世呀，先生！我俾埋身份證你！唔係行街紙呀！」，巴漢手持一張相信是身份證的物件。而警員則向隨身攝錄器報出當時時間、警員編號等，以及提出警告，並指警告夠3次，會以「遊蕩罪」將其拘捕，並稱「我𠵱家拉你」。警員企圖捉住巴漢雙手，他即將手伸向後方，片段亦至此完結。
執法部門表示，事發在當日下午4時許，據報1名持有香港身份證的巴基斯坦裔男子，在上址因瑣事與鄰近店舖職員發生爭執。警員接報到場，期間巴漢拒絕合作，警員作出多次警告，經初步調查，以「涉嫌在公眾地方作出擾亂秩序行為」將其拘捕，現正被扣留調查。
https://hk.on.cc/hk/bkn/cnt/news/20250828/bkn-20250828023329777-0828_00822_001.html
