開餐廳做生意，到底是方便餐廳還是方便顧客重要？有港男於網上發相發文表示，他到九龍灣1間冰室晚膳，埋單共計55元，他付款時夾雜2個5毫子，惟收銀職員指着櫃枱前面告示明言「不收毫子」。樓主不滿職員回應，使出絕招終令對方收下毫子，但職員仍留下1句「算啦，今次收你，下次唔收」，這種態度令樓主相當氣憤，怒斥：「所以而家香港人個個一有時間都會上深圳食嘢，服務態度好。成日講救下香港啲小商店，點救呀？自食其果！」
帖文引來網民熱議，不少網民批評冰室做法，「呢間嘢我都試過畀2個5豪子，竟然話唔收！」、「唔收就報警，玩大佢」、「香港餐廳，又話冇生意，自己搞死自己」。不過，也有人反指樓主是「西客」，「人哋都寫明，你仲要扮傻照畀」、「你知唔知處理大量散子要比手續費銀行㗎？」。
該港男於Facebook群組「香港茶餐廳及美食關注組」發文，指上星期六（6月29日）到九龍灣1間冰室食晚飯，埋單共計55元，他於是取出1張50元紙幣、2個2元硬幣及2個5毫子硬幣到櫃枱付款，沒想到卻被職員拒絕。
樓主憶述，收銀職員表示「毫子唔收」，他疑惑反問「我畀2個五毫子都唔收？」，收銀職員即「理直氣壯」地指着櫃枱前方告示說「唔收毫子」。從樓主上載照片見到，告示寫明「千元大鈔恕不找續。一、兩、五毫恕不接受，敬請見諒。
樓主不滿職員回應，出絕招反擊，「呢2個5毫子，係香港法定貨幣，你唔可以拒絕唔收，如果你真係唔收我就叫警察嚟，問你間舖頭點解，唔收香港法定貨幣，係唔係寫咗幾個字，喺收銀前面，就可以拒絕收毫子」，最終收銀職員面黑地收下亳子，但仍留下1句「算啦，今次收你，下次唔收」。
樓主於帖文感嘆：「所以而家香港人個個一有時間都會上深圳食嘢，服務態度好，又平又抵食，成日講救下香港啲小商店點救呀？自食其果！」
帖文引來網民熱議，不少人批評冰室做法離譜，「呢間嘢我都試過畀2個5豪子，竟然話唔收！最慘佢間鋪頭八達通電子支付全部都冇！」、「我都好討厭一啲鋪頭，大紙唔夠膽收，散紙又唔想收，驚呢樣驚嗰樣執X咗佢啦！」、「唔收就報警，玩大佢」、「我都試過……唉！香港餐廳……又話冇生意自己搞死自己」、「香港有很多食店係自己害自己」。
也有網民力撐餐廳，反斥樓主是「西客」，「人哋都寫明，你仲要扮傻照畀，人哋再同你講話唔收又同人嘈要報警，唔X你X邊個」、「西客何其多，為咗2個5毫去報警」、「師兄，你又知唔知處理大量散子要比手續費銀行㗎？」。惟有網民反駁「今日唔收毫子，聽日唔收硬幣，啲人係咪都覺得無問題？我寫定張紙喺身一定畀毫子咁又點呢？根本就係舖頭問題」。
https://www.hk01.com/article/1033975?utm_source=01articlecopy&utm_medium=referral
