大劉劉鑾雄早前被拍攝到與前女友呂麗君(現名呂姵霖)現身皇室堡，事後發聲明後今日再開記者會澄清二人關係。被問到如何評價呂麗君時，他直言不便 Comment，「原因係如果真係講，講七七四十九日都講唔完，大家就要喺度講到紮營」。
期間大劉金句連連，更指有一位前度結婚兩、三年，「一年都同我攞幾個鱷魚皮、鑽石手袋啦，千祈唔好以為我俾個手袋就……可以大家出嚟執返劑喎，執返劑涼茶就可能有。男人同女人，有啲人去執人一劑可能益個女人，有啲人被人執一劑係益自己，係相對�H。我諗我依家肯去執呀，排隊排到黑龍江呀。講笑啫，我依家行路都行唔到呀！連地下有張銀紙都執唔到呀！做娛樂圈，我睇太多，擘大眼講大話太多，Almost個個都係！」
他又首次回應都市傳說「乒乓波」傳聞，坦言「谷咗氣好耐」，認為最緊要澄清不想讓人「造謠造非」。「話塞春卷呀、乒乓波、網球呀，點樣鬧人呀，摑人兩巴人地喊呀即刻攞張支票掟埋塊臉度，我都隨身唔袋支票�H。」他指「乜嘢都有人作」，「啲人唔抵得我搵到少少錢，多幾個女朋友，佢咪踩你囉......遲啲唔係話我塞人，係話我鍾意畀人塞添，都得㗎。」
其實大劉向來以敢言見稱，過往也曾開記招及接受訪問時屢爆金句，每次都引起全港市民熱議，大家又可知多年來他有哪些金句？
睇完好想笑
https://www.hk01.com/%E9%96%8B%E7%BD%90/853276/%E5%A4%A7%E5%8A%89%E5%8A%89%E9%91%BE%E9%9B%84%E7%8B%82%E7%88%86%E9%87%91%E5%8F%A5%E8%AB%87%E5%91%82%E9%BA%97%E5%90%9B-%E4%B9%92%E4%B9%93%E6%B3%A2%E5%82%B3%E8%81%9E-%E6%AD%B7%E5%B9%B48%E5%A4%A7%E8%AA%9E%E9%8C%84%E6%9C%89%E5%8F%A5%E6%88%90%E6%BD%AE%E8%AA%9E
