熱浪席捲全球，早前英國錄得攝氏40度高溫，打破數百年紀錄。有移英港人拍片分享指「英國夏天熱起上嚟都真係幾難頂」，主要是溫差大。他表示自己去咗英國廿幾年都未試過熱到咁誇張，指雖然氣溫下降，但不會即時感覺到，但為間屋啲磚吸曬啲熱，室內會存有一定暖氣，需要一至兩日散到。有網民留言大嘆「要慢慢捱！」
移英港人YouTuber「鬆仔亂咁噏HoRiZoN」早前做直播時表示，英國啲屋唔好似香港咁會裝冷氣，正如香港樓都唔裝暖氣咁話，他個人認為唔值得為咗個夏天而去買部冷氣機。
不過，他直言「英國夏天熱起上嚟都真係幾難頂」，下午熱都還好頂，最難搞係瞓覺，因為瞓覺好難心靜，話就話心靜自然涼，但愈瞓愈熱，但個人會燥，燥個人就會出汗，出得汗多就愈熱，變成咗一個惡性循環，是一個沒辦法解決的問題。
https://www.dotdotnews.com/a/202207/30/AP62e48811e4b0adad9d4e7383.html
