【移民英國】近年不少港人移民英國，有自稱移民英國的港人於討論區發文，指「嚟咗英國終於都覺得似返個人」，大讚「食物平」、「牛扒好味」、「水果鮮甜」、「港人守望相助」、
「樓價平，一百萬已經買到6、700呎兩房」等。
帖文引來網民熱議，形容是「真正獅子山精神」，惟亦有
不少網民追問「（英國）邊區一百萬可以買到6、700呎兩房」，質疑樓主是否真的有移民英國。
該名自稱移民英國港人於連登討論區以
「嚟咗英國終於都覺得似返個人」為題發文，指英國「食物平，啲牛扒又平好夠肉味、新鮮，特別係水果，鮮甜到不得了」，又說當地樓價便宜，「一百萬已經買到6、700呎兩房，7、8000蚊已經租到500呎單位」。
樓主亦提到移民英國的港人守望相助，「香港人個種大家照顧，估唔到竟然係離開香港後先有咁大感受」，舉例「大家無分彼此唔計較，先到埗嗰啲落地後會畀好多提點後到埗的人，
無你們我現在應該仲未有銀行戶口同租到樓」。樓主表示，未來都會主動幫剛到埗英國的香港人，「等佢哋早啲適應」。
帖文引來網民熱議，有網民讚揚是「真正獅子山精神」、「香港人加油」，也有網民認同英國的水果味道不錯，「蘋果幾好食」、「橙同西瓜都幾好，當然冇得同日本個啲比」、「啲水果真係好好食」。惟亦有網民不認同，「水果鮮甜嗰下我就唔係好認同，我覺英國嗰啲水果有啲垃圾，除咗士多啤梨」、「利申住英國，啲新嚟�H成日吹牛扒平真係好煩，你份人工夠少左啦」、「做二等公民好慘」、「係似返個人，不過你就食唔到好多喺香港先食得到的嘢」。
另有不少網民質疑樓主是否真的有移民英國，追問「邊區一百萬可以買到6、700呎兩房？」、「一百萬點買啊？」、
「水果甜啲同一百萬買到600呎，已經知你X吹啦」、「喺香港扮喺英國�H人」。對此樓主未有回應。
https://www.hk01.com/%E7%86%B1%E7%88%86%E8%A9%B1%E9%A1%8C/797417/%E7%A7%BB%E6%B0%91%E8%8B%B1%E5%9C%8B%E6%B8%AF%E4%BA%BA%E5%88%97%E8%8B%B1%E5%9C%8B5%E5%A4%A7%E5%84%AA%E9%BB%9E-%E7%B5%82%E6%96%BC%E4%BC%BC%E8%BF%94%E5%80%8B%E4%BA%BA-%E4%B8%80%E5%8F%A5%E8%A9%B1%E5%8F%8D%E6%83%B9%E7%B6%B2%E6%B0%91%E8%B3%AA%E7%96%91?utm_source=01appshare&utm_medium=referral
