早排經歷咗新界大西北五十年唔逢一鑊�H大停電，成街暗黑真係心慌慌，真正感受到斷電之苦。
香港最南端島嶼有「香港南極」之美譽的蒲台島，今年底亦將面臨斷電，行山友要注意入黑冇燈呀！島上�H路燈一直靠柴油發電機發電來照明，居民則透過駁線上路燈來取電用，過去十年電訊盈科（008）向蒲台島贊助柴油來發電，不過慈善係有限期�H，已通知村公所主席今年底就會「斷油」喇。
呢個世界冇「無緣無故的愛」，當年小小超的電訊盈科咁慷慨，因為想喺蒲台島興建發射站囉。其實全島一個月用12至13桶柴油，以往油價未飆升，1,000元桶，家陣要2,000元左右；十年已過，蒲台島居民要自行為每年呢廿多萬元想法子喇，搞到佢哋十分之徬徨。據知，居民一直慳住駛，晚上6點之後才啟動發電機。
何解此「香港南極」冇電呢？咁又要問同屬李氏家族、不過由霍建寧揸旗�H港燈（2638），港燈覆蓋範圍只包南丫島，但都講左七、八年話喺蒲台島搞太陽能發電㗎喇，新民黨主席葉劉上年都喺立法會出力質詢過時任民政事務局局長徐英偉，佢話港燈仲搵緊合作夥伴。在商言商，蒲台島又有幾多伙居民呢？Canning Fok數口如此精明，一計之下又點合乎成本效益呢？莫講話再要揾合作夥伴。
睇嚟都係要靠島上�H天后娘娘打救，獲有心人士籌旗修建後的天后廟，位處香港最南端，正式坐北向南，氣場極佳。今年年初與私人銀行家友人前往參拜，企喺廟外感覺風涼水冷，人都特別醒晨。
聽蒲台島老人家講，呢位天后娘娘好靈，Banker友人參拜後數天急急來電：「嘩！好靈呀！有個大陸客我煲咗幾年，突然自己call我話要開戶口，搞掂呢個客，我半年唔使憂喇，擇日同我買燒豬去還神！」怪唔之得，信眾識嘢，今年四月天后誕人頭湧湧，排長龍搭船入蒲台島，鮮花、燒豬源源不絕。聽講天后誕期間，香油錢有六位數字進賬，所以講乜鬼社會企業責任、ESG？索性攞啲香油錢去買港燈（2638）收息，有4厘回報，咁咪有錢買柴油發電，不求人囉！
https://hk.finance.yahoo.com/news/bossip-%E9%9B%BB%E7%9B%88%E6%96%B7%E6%B2%B9-%E8%92%B2%E5%8F%B0%E5%B3%B6%E5%BF%AB%E5%B0%87%E7%87%88%E6%BB%85-louise-040000303.html
