不少國家都要求移民申請者遞交身體報告。有從事醫療行業的網民指，某日有一家五口前來查問簽證身體檢查費用，期間因不滿價格高昂而大鬧醫療中心，連其他客人都「睇唔過眼」開聲反駁！
有網民向社交媒體Facebook專頁「生仔要考牌系列」投稿，指自己從事醫療行業，公司其中一項服務為簽證體檢，因此近年的預約長期爆滿。日前有一家五口在沒有預約的情況下前來問價，一行人連BB車霸佔了兩個櫃枱位置，太太更堅持「先生要一齊聽，唔會阻好耐」，怎料職員的惡夢便開始了。
該名太太一聽到簽證體檢的價錢後，便突然反應極大地表示「咁貴�H！搶錢呀？」，更質疑醫療中心「呃人」，「我哋5個咪成萬蚊，租到個單位住囉！」、「我見出面嗰啲幾百蚊咋喎」。職員聽後只好連忙解釋，該處為官方授權的診所，價錢亦是公價，又希望她讓排在他們後面並有預約的客人上前，但對方竟指「咁我唔係客呀？！我又冇阻住佢哋」，堅拒讓位。
幸好此時一名高大的客人忍不住幫忙叫他們讓位，「話佢全家7個人加埋兩隻狗仲貴呀，想移民預咗要使錢，叫嗰位太太唔好嬲，嚇親BB」，才令該一家五口讓開。投稿者不禁感嘆，「對住咁�H父母，我戥佢哋啲仔女可憐，基本禮貌都唔識！」
帖文引起網民熱議，有人表示「有一舊錢可以移民，唔係拎多一萬蚊出嚟都拎唔到呀」、「嫌貴就唔好生咁多，兩公婆移民平好多」、「冇錢就咪學人移民啦」，亦有網民建議中心職員直接跟太太表示「畀我就直接同佢講：咁你哋認為價錢唔岩，可以直接出面幾百蚊果種�H」。
https://std.stheadline.com/realtime/article/1763124/%E5%8D%B3%E6%99%82-%E6%B8%AF%E8%81%9E-Juicy%E5%8F%AE-5%E4%BA%BA%E5%AE%B6%E5%BA%AD%E6%AC%B2%E7%A7%BB%E6%B0%91%E5%AB%8C%E9%AB%94%E6%AA%A2%E8%B2%B4-%E5%90%B5%E9%AC%A7%E9%86%AB%E7%99%82%E4%B8%AD%E5%BF%83%E9%81%AD%E5%AE%A2%E4%BA%BA%E4%B8%80%E5%8F%A5KO
