影星張學友在電影《男人四十》飾演一個與17歲女學生發生師生戀被妻子揭發的教師，而現實中也有類似的中年危機。網上討論區「親子王國」有女網民發文，揭發結婚逾10年、任職中學教師的丈夫，與一名女學生偷偷傳情，女網民情緒大受打擊，是向網民求救如何是好。
女事主說，丈夫是中學老師，「最近俾我發現佢食學生妹，用IG傳情，有晒情慾對話，我問佢，佢話自己一時糊塗迷咗落去，同我講對唔住」。丈夫聲稱學生已畢業升讀大學，又承諾「以後唔再搵對方，知道自己做錯了」。但女事主表明，事件被揭發一個月，「我真係接受唔到自己老公去搞學生妹，我覺得好恐怖」。
女事主慨嘆，「拍咗拖10年先結婚，結咗婚都有10年，可能愛情變了親情，佢已經忘記咗以前一起捱窮�H辛苦日子，貪玩要新鮮感要刺激偷情�H感覺」。女事主以為過了七年之癢，可以與丈夫一生一世，「從沒有想過佢會出軌，同學生妹攪婚外情。這個月佢好努力想我開心，但自問唔可以當冇事發生，我好糾結自己應該如何做，如何走下去。」
女事主透露，被揭發前幾日，「佢哋（丈夫與女學生）約咗去酒店，幾小時可以做到好多事」。她直言，與其去怪個廿歲妹妹沒有道德破壞別人婚姻，「我最嬲係個老公咁冇定力，只有幾個小時都要同個學生妹去開房。諗下都痴線。我睇返唔同記錄，其實佢哋開房後，佢係趕住嚟接我放工，扮好男人原來可以好容易。好彩上天有眼俾我發現到個事實」。
不少網民都説無法忍受丈夫婚外情，有人斥責「即係你未發現佢會繼續偷食，依家發現佢話分開」、「學生妹比起做緊嘢�H女人點都易氹易得手，你老公真係枉為人師，如果個學生妹有日去學校揭發件事，你老公應該以後都唔洗再教書」。
有人建議，「如果個女仔已經唔係佢學生，冇咁驚嚇，現在大學生好多出來援交，你老公只係一個客。唔好咁快下決定，畀一個限期自己，例如半年，睇下你老公係咪真心挽回你，睇下你能否離開佢。如果佢唔斷小三，就放棄佢啦」。
也有網民分享婚外情見聞指，「我識人個老公同學生搞上，之後臨生時忍不了，趕老公走！最後係離婚，老公同學生再婚！」、「見過個老婆勁大方咁原諒佢，照唔離婚個B照生，仲以為個老公修心養性，其實一直到佢生都唔知個男�H玩得更小心同換咗第二個女玩啫，兩個仲不時曬恩愛」
https://std.stheadline.com/realtime/article/1418138/%E5%8D%B3%E6%99%82-%E6%B8%AF%E8%81%9E-%E7%B6%AD%E6%B8%AF%E6%9C%83-%E6%8F%AD%E4%BB%BB%E6%95%99%E5%B8%AB%E4%B8%88%E5%A4%AB%E5%81%B7%E9%A3%9F%E5%A5%B3%E5%AD%B8%E7%94%9F%E4%B8%8A%E9%85%92%E5%BA%97-%E6%B8%AF%E5%A9%A6%E5%BF%83%E7%A2%8E-%E6%89%AE%E5%A5%BD%E7%94%B7%E4%BA%BA%E5%A5%BD%E6%98%93
