社交平台有網民發帖，指一名缺德男子在中環擺花街一間食肆前涉隨地小便，並有一名女伴把風。女子發現樓主偷拍後，即用廣東話粗口喝罵，樓主批評二人「我真係無見過喺大街咁做，個女仲要咁�H眼神，啤返過嚟係大條道理XX我」。
該名女樓主本月29日凌晨3時許在社交平台Threads上載影片發帖，留言指「影完之後仲要好大聲XX我。真係後悔冇zoom（拉埋）近女主角（好強勁�H獅吼功）。中環大街大巷屙尿仲要大大聲第一次見，下次唔好咁做啦」。
影片可見現場為中環擺花街一食肆地舖附近，旁邊有一檔報紙檔，一名穿長袖上衣的男子於店舖門口及報紙檔之間小便，身旁一名短裙女子發現樓主偷拍後，立即拍男子背部提醒。樓主指，「我真係無見過喺大街咁做，個女仲要咁�H眼神，啤返過嚟係大條道理XX我」、「反而係個男人知衰叫佢走」。
「反而係個男人知衰叫佢走」
到當日下午樓主再發帖文，為事發現場照片，男子小便的位置牆壁上有污漬，未知是否為尿漬。「承上題，嗚，有人屙完尿又唔清潔番，射番水都好呀。報紙檔：臭臭。其實我唔係想影1秒，但係當時手機就快冇電，我影佢哋係想俾佢知道其實有人睇到，咁係唔啱㗎喂，唔好同我講話好多人都咁，成年人，就算急都唔喺人哋舖頭門口掛？！」。
有網民發現，「有個cam（閉路電視）喺頭頂都咁大胆」、「其實個鋪頭有cam，應該會叫事主俾返清潔費，如果唔係就仲有高清片」。
有人認為男子的做法「好核突，Ｘ間鋪多得佢唔少 」、「中環夜晚都係飲大左，急起上來好多係咁」、「真係冇公德心，影響市容罔顧公德。」亦有網民指深夜不時有醉酒人士在街上隨處小便，特別是在蘭桂坊，「你去得少蘭桂坊呀嘛，嗰度成條街經常都有尿味㗎啦，嗰啲咪又係香港人做�H」、「你去蘭桂坊影啦不如，晚晚都有」。
初犯最高可被罰款5000元
根據《公眾潔淨及防止妨擾規例》，任何人士在公眾地方大、小便均屬違法，初犯最高可被罰款5000元，再犯則更可被罰款1萬元。
https://www.am730.com.hk/%E6%9C%AC%E5%9C%B0/%E7%B6%B2%E4%B8%8A%E7%86%B1%E8%A9%B1-%E7%BC%BA%E5%BE%B7%E7%94%B7%E4%B8%AD%E7%92%B0%E9%A3%9F%E8%82%86%E5%89%8D%E9%9A%A8%E5%9C%B0%E5%B0%8F%E4%BE%BF-%E5%A5%B3%E4%BC%B4%E6%8A%8A%E9%A2%A8%E8%A6%8B%E8%A2%AB%E6%8B%8D%E5%8D%B3%E7%BD%B5%E8%B7%AF%E4%BA%BA-/613867
