近日一名女食客光顧油麻地一間茶餐廳時，遭店員不禮貌對待之餘，仲要唔好食，大呻「真係貼錢買難受」。帖文引來網民議，有人直指「呢間嘢出晒名難食，態度差，收費貴，仲要去食？」、「比我即起身走」。
該名女食客在fb群組「香港茶餐廳及美食關注組」發帖，大呻日前光顧油麻地一間茶餐廳，當時只有枱客，惟男店員卻態度好差，她未點完食物就轉身走，「嗰個男人都好似我嚟乞食咁�H態度，我都未講完要咩即走」。
其後，樓主再叫該店員回來落單點了一支樽裝水，售價為22元。樓主表示，自己並未要求免費提供食水，惟該店員態度差劣，「佢好大聲咁鬧我，好似我煩住佢咁，黐線㗎」。樓主直言「呢間嘢真係垃圾癲！貴已經唔係我覺得�H問題」、「仲要唔好食，真係貼錢買難受」。
樓主事後自言「我都覺自己蠢，唔走」，話「其實真係好貴，仲要唔好食，啲嘢好咸」，早知行多幾步。不過，對於礦泉水的收費，樓主坦言「佢哋有講畀我聽幾錢，我因為要食藥，所以都話要！明買明賣既！我唔滿意係我唔係乞佢支水都要受氣」。
不過，有網民認為樽裝水售價22元太貴，「水喺出面買好過啦，22蚊支，搶錢咁搶」、「你喺油麻地，唔係深山野嶺呀，行出去周圍都有得賣啦，22蚊支你都買，咁貴一支水你都幫佢買，係助長緊佢將啲物價推高，仲話要受佢氣，咁你都買都唔好怪人喎！」
https://www.dotdotnews.com/a/202404/16/AP661cf03de4b0576a9c89d593.html
