網上今日流傳一條影片，片中一名黑衫青年原本擸刀到粉嶺一間酒吧斬人，其後反被3名大漢拳打腳踢，並持藤條及牛肉刀「兇返轉頭」，黑衫男只好不斷跪地求饒：「對唔住呀大佬！小弟錯啦！有眼不識泰山！」
片段長約3分鐘，一名黑衫男子遭3名大漢制服在馬路上，其間他不斷求饒，希望對方能夠放過自己，「係我唔啱，各位大佬！唔好意思呀！」3名大漢怒火中燒，出手掌摑黑衫男，又多次起飛腳踢向黑衫男的頭部、腰及手。
3名大漢火氣未消，其後取出藤條鞭打黑衫男，並爆粗狂鬧：「係咪擸刀呀？擸刀嚟做乜X嘢呀？X你老X！我同你講呀，記X住我呀！」其間有人更取出牛肉刀拍打黑衫男的頸部，嚇得黑衫男連聲說「對不起」，還雙手合十向對方道歉。
樓上一對男女將整個過程拍低，同時亦報警求助，「呢度係聯興街35號一間Bar Pacific，有人自稱三合會成員，話要攞刀殺一個人…有條友攞刀襲擊三個人，三個人攞棍打返佢」。
3名大漢多次向黑衫男拳打腳踢，其中一人更脫下自己所穿的波鞋，狂扑黑衫男的頭，「擸乜X嘢刀呀你！玩乜X嘢古惑仔！」黑衫男為求脫身，當眾在街頭「土下座」（額頭貼地下跪）大聲道歉：「3位大佬對唔住！對唔住」，最後3大漢要求黑衫男立即離開，又揚言「唔好再畀我見到你」，黑衫男立即離開現場。片段就此結束。
事件發生於10月16日凌晨3時許，警方接獲一對男女報案，指在粉嶺聯興街一間酒吧對開有3名男子持鐵棍襲擊一名男子，其間有人持牛肉刀指嚇。警方到場調查時，3名男子已登車離開，而遇襲男子則自行離去，未有發現相關人士，案件暫列「襲擊致造成實際身體傷害」處理，交由大埔警區刑事調查隊跟進。
https://std.stheadline.com/realtime/article/1961072/%E5%8D%B3%E6%99%82-%E6%B8%AF%E8%81%9E-%E6%9C%89%E7%89%87-%E7%94%B7%E5%AD%90%E8%87%AA%E7%A8%B1%E9%BB%91%E7%A4%BE%E6%9C%83%E6%93%B8%E5%88%80%E6%96%AC%E4%BA%BA-%E5%8F%8D%E9%81%AD3%E5%A4%A7%E6%BC%A2%E5%9C%8D%E6%AF%86-%E5%85%87%E8%BF%94%E8%BD%89%E9%A0%AD-%E5%8D%B3%E8%B7%AA%E5%9C%B0%E6%B1%82%E9%A5%92-%E6%9C%89%E7%9C%BC%E4%B8%8D%E8%AD%98%E6%B3%B0%E5%B1%B1
