「黃絲」藝人杜汶澤自「走佬」去台灣後，搞作多多，開設了小杜良品的食品品牌，即將推出市面獨有的「蕃茄豆腐龍膽石斑魚湯」。不過，佢日前在社交平台發文話「現被某國無故封殺」，本來可能諗住引人同仇敵愾，但點知啲「連登仔」個個跳出嚟鬧返佢情緒勒索，「又要cap水了」、「又扮被迫害之後水人買垃圾」、「成日搵香港人笨」。
杜汶澤在帖文聲稱，以香港人「滾湯」方法，創製了市面獨有的「蕃茄豆腐龍膽石班魚湯」，再加上小杜良品馳名的麻辣湯底一包，造成鴛鴦火鍋套裝。然而，內地早前已禁止台灣龍膽石斑入口，故這湯包只限台、港兩地發售。帖文並轉載至「連登討論區」，還惹來負評連連，「其實佢係返台灣賣就得啦，唔使運來香港，好似台灣reject香港移民個陣咁講，香港人又無欠你，你啲石斑無人買關香港人Ｘ事咩」、「賣嘢cap水又變返香港人」、「香港街市大Ｘ把龍躉啦，台灣龍躉有咩咁巴閉」等等。
https://www.dotdotnews.com/a/202211/16/AP63747a3be4b0adad9d69b836.html
