直播平台於近年愈見流行，唔少人不惜課金打賞直播主；日前《東張西望》就報導咗胡先生與直播主李小姐�H故事，胡先生2年間共向李小姐課金逾10萬，仲喺對方屋企人入醫院時提供金錢援助，不過發現自己被李小姐當成水魚。
胡先生表示自己於2018年接觸直播平台，一開始就已經捧李小姐場；而李小姐由2017年加入做主播，曾成為平台首個累積滿100萬顆鑽石�H女主播，即相等於現金價值約8萬元，人氣爆登。期間，胡先生不斷送贈李小姐虛擬禮物，忠實程度連李小姐都認得佢，仲曾經喺影片描述對佢�H觀感，相當識做。直至去年3月底，李小姐宣布退出直播平台，但希望臨別前可親自與粉絲告別，於是提出與該月課金最多�H3位粉絲共進午餐或下午茶，又會向第4至10名粉絲送上小禮物；胡先生就用咗3至4萬元成為冠軍，可以與李小姐一同用膳。
不過，胡先生表示餐飯一直被拖延，直到12月先成事，當日原定時間為下午1時半至下午2時半，但胡先生就話呢段時間內其實都無食飯，李小姐只係喺到化妝、簽名和自拍，與自己及其餘兩名粉絲零交流，胡先生心有不甘，認為被冷待，對方僅當佢哋係水魚。《東張西望》於訪問期間打畀李小姐，對方直言自己喺上次見面過程中有與粉絲傾計，仲反問係咪要全程不間斷傾先叫傾計；又指，胡先生唔知從咩途徑得到自己手機號碼，不時傳訊息畀佢問及想要咩禮物、甚至叫佢做「老婆」及按摩收費。
飯局後，胡先生與李小姐仍保持聯絡，胡先生仲主動向李小姐提供金錢援助，希望李小姐跌倒入院�H嫲嫲可以由公立醫院轉到私立醫院，但最後胡先生發現李小姐嫲嫲並未有轉到私家醫院，於是問及對方原因；李小姐就表示因為嫲嫲確診新冠肺炎，所以未能轉到私家醫院。經過呢次胡先生終於醒覺，決定唔再睇直播，而李小姐都直言唔會再與胡先生聯絡。
https://hk.news.yahoo.com/%E6%9D%B1%E5%BC%B5%E8%A5%BF%E6%9C%9B%EF%BD%9C%E6%B8%AF%E7%94%B7%E8%AA%B2%E9%87%91%E9%80%BE-10-%E8%90%AC%E7%82%BA%E8%88%87%E7%BE%8E%E5%A5%B3%E7%9B%B4%E6%92%AD%E4%B8%BB%E5%85%B1%E8%86%B3-%E8%A2%AB%E5%86%B7%E5%BE%85%E8%AA%8D%E7%82%BA%E5%B0%8D%E6%96%B9%E7%95%B6%E4%BD%A2%E4%BF%82%E6%B0%B4%E9%AD%9A-040101077.html
