黃絲口中成日話「講心唔講金」，但「手joke」反起面嚟都幾薄情！話說一名持BNO，帶住個女移民英國�H單親黃媽，隻身在外又芳心寂寞，難得在當地打工時遇到「同路人」，當然份外投契，仲課金4萬鎊畀對方開舖，結果咪「財到光棍手，一去冇回頭」囉！
該名黃媽日前在fb專「香港人移民英國討論區」發文訴苦，話早前帶埋個女去咗英國威爾斯某市落腳，搵到份香港人開�HTake away做廚房雜工，令佢遇上都係持BNO移民�H廚師。單親媽媽見對方架車貼滿晒黃絲標語，諗住係「同路人」，所以就好快熟絡，而對方開頭都對佢哋兩母女唔錯咁話。
不過兩人自從「發生關係」之後，單親黃媽知廚師想自己開舖，所以借咗4萬鎊畀對方。然而，借完錢無幾耐，廚師就話因屋企人反對「唔鍾意買一送一」，所以要同佢分開下，並承諾會每月還款。點知，廚師竟「反轉豬肚」返公司同老闆投訴，話單親媽死纏爛打搞到佢同屋企吵大交，單親媽更因此被炒魷㖭，雖然單親媽之後有嘗試返公司追債，但老闆話對方已經無做。
單親媽在帖文自怨自艾，話「我除咗怪自己蠢之外都唔知做錯啲咩」，仲奉勸單身或單親BNO女性一定要帶眼識人。
https://www.dotdotnews.com/a/202204/06/AP624d3823e4b0adad9d3008c6.html
