【on.cc東網專訊】 職業司機在路上爭分奪秒，爭執特別多，不過使用以下的報復方法，就未必人人願意做。最近網上熱傳一段的士與九巴的惡鬥短片，片中的士不斷以慢駛手法阻礙巴士行駛，甚至停在雙黃線等巴士出站，再繼續「糾纏」。的士司機的缺德行為，引起網民熱烈討論。短片由九巴上一名乘客拍攝，片中可見的士駛在九巴前方，以慢速前進。巴士多次轉線避開的士，但的士也立即跟隨轉線，巴士司機也感嘆「我轉左佢轉左，我轉右佢轉右」、「呢個繁忙時間大家返工返學，佢咁樣搞」。更過分的是，的士見巴士埋站後，竟在站外的雙黃線停車，好等巴士出站後，又再重施故技。雙方交戰至少7分鐘後，的士才願意離去。雖然短片無交代兩車司機因何交惡，但大部分民都鬧爆的士司機損人不利己，又浪費乘客時間，實在無謂。亦有人指有片為證，的士司機停雙黃線，隨時會被扣分。另有網民指巴士司機根本不在意行車快慢，相反的士司機就以每程車計算收入，慢駛玩人變相是玩自己。
網民有話說
Yamato Kyo：應該由佢玩嘛，傻仔用自己時間自己錢同人玩，人地就出月薪
Leo Lee：九巴搶左的士個客，的士佬心情壞。
Gary Ng：雙黃線停車，可以扣五分。唔去搵錢去做埋D白痴野....
Ricky Kwok：呢啲情況應該要報警，等佢自己解釋下其駕駛問題。
去片
http://hk.on.cc/hk/bkn/cnt/news/20150512/bkn-20150512134646186-0512_00822_001.html
