在隧道禁止爬頭應當是每個駕駛者清楚的守則。近日網上瘋傳一段車Cam片段，片中一輛私家車在紅磡隧道行駛時，竟罔顧規定，在隧道內企圖攝車罅越過電單車，結果將一輛電單車撞倒地上，事後更不顧而去，最終被從後目擊事件的司機及電單車司機追截，成功在收費亭將對方截停。網民看過片段後，不值司機所為，更將對方大起底，揭發司機疑是任教南區一間學校的老師。
事發於昨日（5日）下午約4時半，當時一部私家車沿紅隧右線往九龍方向行駛，前面則有一輛電單車，突然私家車挨近右邊，強行攝車罅爬頭，結果將電單車撞低，期間可見私家車一度亮起煞車燈，不過司機卻沒有停車，反而繼續前行。至於跌倒地上的電單車司機在地下翻滾後，可自行爬起，而隨後司機亦落車協助，發現電單車司機無大礙後，兩車齊齊追截私家車司機，最終在收費亭將對方截停。
而該名見義勇為司機事後更在網上留言，「呢啲正敗類，撞反架電單車走咗去，追到你一時又話冇撞過車，一時又話架電單車爬頭，我影晒你啦！吹晒水，交通警睇完條片都叫條友無謂再撐，再問佢做邊行，原來係教書，教壞學生就係呢啲敗類！」網民看過片段後都狠批司機所為，更將司機起底，懷疑他任教南區一學校，更將疑似他的結婚相上載網上，有網民更指已發電郵給該學校，反映對他的不滿。
