【東方日報專訊】【專案組報道】近日網上熱傳一段短片，片中一名駕駛電單車的肥胖司機，疑車身與後方的士碰撞，但他卻沒有報警也沒有下車了解，只是停低電單車「罷駛」，結果導致後方大塞車。一名短褲大叔看不過眼，上前理論，並以連串粗口鬧爆肥司機，肥司機拒絕離開，期間更一度在車上「失去知覺」。
疑遭的士碰撞 拒離開
短片分兩段，且有兩張相片，相信是不同街坊拍攝。短片一開始，肥司機坐在電單車上，後方則有一輛的士，雙方車身緊貼，的士司機在電單車旁勸喻肥司機，一名短褲大叔怒斥肥司機阻街：「你企咗喺度咁耐，打電話報警啦，使唔使同你打埋電話呀，你咁厚臉皮？」肥司機說：「你咪打×我囉。」短褲大叔：「我打你？你有資格畀我打咩？」大叔離去時以一連串粗口大鬧司機：「×你鹵水雞翼個鹵水雞翼個鹵水雞翼，拎住罐可樂當生抽。」司機則以聽不明白的高音句子反擊。
不久，肥司機疑在電單車上不省人事，剛好附近有消防車駛至，消防員即下車檢查其身體狀況。之後警員及救護員到場了解事件，肥司機向警員投訴：「啲街坊係咁鬧我，問候我屋企人，我得罪你啲咩嘢呀？」最後他妥協駛離現場。
網友睇片後指電單車肥司機並沒有錯，「畀人撞唔郁車為保障自己權利，私家車巴士貨車TA都係停喺路中心等差人來，有錯咩？」也有網民不值肥司機所為，「唔好再揸車啦小朋友，馬路好危險o架」。
